కిషోరబాలికలకు పోటీలు

బీర్కూర్‌: జాతీయ బాలికల వారోత్సవాల్లో భాగంగా మండల కేంద్రంలోని జిల్లా పరిషత్‌ ఉన్నత పాఠశాలలో శనివారం స్త్రీ, శిశు సంక్షేమ శాఖ ఆధ్వర్యంలో కిషోరబాలికలకు చిత్రలేఖనం, వ్యాసరచన పోటీలు నిర్వహించారు. ఈ సందర్భంగా బాన్సువాడ ఐసీడీఎస్‌ ప్రాజెక్టు సీడీపీవో అనురాధ.. కిషోరబాలికలకు బాల్య వివాహాలు, విద్యా హక్కు చట్టాలు, టోల్‌ ఫ్రీ నంబర్లపై అవగాహన కల్పించారు. అనంతరం ఈ పోటీల్లో గెలుపొందిన విజేతలకు ప్రథమ, ద్వితీయ, తృతీయ బహుమతులు అందజేశారు. కార్యక్రమంలో పర్యవేక్షకులు కళావతి, లక్ష్మి, అంగన్‌వాడీ ఉపాధ్యాయురాలు శివజ్యోతి, నాగమణి, లలిత, వనిత, హారిక పాల్గొన్నారు.