ఫిబ్రవరి 5 వరకు లబ్ధిదారుల ఎంపిక

వీసీలో మాట్లాడుతున్న కలెక్టర్‌ జితేష్‌ వి పాటిల్‌

కామారెడ్డి కలెక్టరేట్‌, న్యూస్‌టుడే: జిల్లాలో దళితబంధు లబ్ధిదారుల ఎంపికను ఫిబ్రవరి 5 వరకు పూర్తి చేస్తామని కలెక్టర్‌ జితేష్‌ వి పాటిల్‌ పేర్కొన్నారు. మంత్రి కొప్పుల ఈశ్వర్‌, సీఎస్‌ సోమేశ్‌కుమార్‌ శనివారం నిర్వహించిన వీసీలో ఆయన మాట్లాడారు. మండల, గ్రామస్థాయి కమిటీలు ఏర్పాటు చేస్తామన్నారు. నియోజకవర్గాలకు ఇన్‌ఛార్జి అధికారులను నియమించి సకాలంలో ఎంపిక పూర్తయ్యేలా చూస్తామని తెలిపారు. కార్యక్రమంలో అదనపు కలెక్టర్‌ వెంకటేశ్‌ ధోత్రే, డీఆర్డీవో వెంకట మాధవరావు, ఎస్సీ కార్పొరేషన్‌ ఈడీ దయానంద్‌, షెడ్యూల్‌ కులాల సంక్షేమాధికారిణి రజిత, గిరిజనాభివృద్ధి అధికారి అంబాజీ, మహిళా, శిశుసంక్షేమాధికారిణి సరస్వతి, వ్యవసాయాధికారిణి భాగ్యలక్ష్మి, డీసీవో వసంత తదితరులు పాల్గొన్నారు.