ప్రజాస్వామ్యంలో ఓటుహక్కు అత్యంత శక్తివంతమైనది

బీర్కూర్‌: ప్రజాస్వామ్య దేశంలో అత్యంత శక్తివంతమైనది ఓటు హక్కు మాత్రమే అని ఎంపీపీ రఘు, మాజీ జడ్పీటీసీ సభ్యుడు ద్రోణవల్లి సతీశ్‌ పేర్కొన్నారు. మండల కేంద్రంలోని ఎమ్‌ఈవో కార్యాలయంలో మంగళవారం జాతీయ ఓటర్ల దినోత్సవాన్ని నిర్వహించారు. రెండు రోజుల క్రితం విద్యార్థులకు నిర్వహించిన వ్యాసరచన, చిత్రలేఖనం పోటీల్లో గెలుపొందిన పది మంది విజేతలకు బహుమతులతోపాటు ప్రశంసా పత్రాలు అందజేశారు. కార్యక్రమంలో కో-ఆప్షన్‌ అరీఫ్, ఎంపీటీసీ సభ్యుడు సందీప్‌, పీఆర్‌టీయూ మండల ప్రధాన కార్యదర్శి నాగరాజు, ఉపాధ్యాయులు దుర్గాప్రసాద్‌, లక్ష్మీనారాయణ పాల్గొన్నారు.