వ్యాక్సినేషన్‌ తీరు పరిశీలన

బీర్కూర్‌: మండలంలోని వీరాపూర్‌ గ్రామంలో కరోనా వ్యాక్సినేషన్‌ ప్రక్రియ అమలు తీరును తెలుసుకునేందుకు ప్రపంచ ఆరోగ్య సంస్థ అధికారులు శుక్రవారం గ్రామాన్ని సందర్శించారు. ఈ సందర్భంగా స్థానిక ఆరోగ్య సిబ్బందితో కలిసి గ్రామంలోని పలు ఇళ్లకు వెళ్లి మొదటి, రెండో డోసులు ఎంత మంది తీసుకున్నారని ఆరా తీశారు. ఇప్పటివరకు టీకా తీసుకోని వాళ్లను గుర్తించి వారికి టీకాలు ఇవ్వాలని వైద్య సిబ్బందికి ఆదేశించారు. కార్యక్రమంలో ప్రపంచ ఆరోగ్య సంస్థ అధికారి షోయబ్‌ ఖాన్‌, ఆరోగ్య కార్యకర్త శిరీష, ఆశా కార్యకర్త విజయ పాల్గొన్నారు.