హిందూ ఐక్యతా ప్రదర్శన

దేశభక్తులు, మహనీయుల వేషధారణలో చిన్నారులు

నిజామాబాద్‌ సాంస్కృతికం, న్యూస్‌టుడే : హిందూ ధర్మంపై జరుగుతున్న దాడులను అరికట్టాలంటూ నిజామాబాద్‌ నగరంలో గురువారం హిందూ జనజాగృతి సమితి ఇందూరుశాఖ, ఆర్యసమాజ్‌, వివిధ సంస్థల ఆధ్వర్యంలో ఐక్యతా ప్రదర్శన చేపట్టారు. భారత్‌మాతాకీ జై.. అంటూ నినాదాలు చేశారు. ఆర్‌ఆర్‌ చౌరస్తా నుంచి పెద్దబజార్‌, కస్బాగల్లీ, జెండాగల్లీ, గోల్‌హనుమాన్‌ వరకు ఊరేగింపుగా సాగారు. దేశభక్తులు, మహనీయుల వేషధారణలతో చిన్నారులు ఆకట్టుకున్నారు. నందిపేట్‌ కేదారేశ్వరాలయం వ్యవస్థాపకులు మంగిరాములు మహరాజ్‌, శివానందస్వామి, ప్రతినిధులు, భక్తులు పాల్గొన్నారు.

బోనాలతో మహిళల ఊరేగింపు