దళితబంధుతో ఆర్థిక స్వావలంబన

బీర్కూర్‌: దళితుల జీవితాల్లో వెలుగు నింపేందుకు కేసీఆర్‌ దళితబంధు పథకాన్ని అమలు చేస్తున్నారని డీసీసీబీ ఛైర్మన్‌ పోచారం భాస్కర్‌రెడ్డి అన్నారు. బీర్కూర్‌ గ్రామానికి చెందిన వెంకటేశ్వర్‌ అనే యువకుడికి దళితబంధు పథకం కింద రూ.10లక్షలతో ఏర్పాటు చేసిన దుకాణాన్ని శుక్రవారం ఆయన ప్రారంభించారు. అనంతరం మాట్లాడుతూ.. దళితుల సాధికారత కోసం ప్రభుత్వం ఈ పథకానికి రూపకల్పన చేసిందని తెలిపారు. దళితుల ఆర్థిక స్వావలంబనకు ఈ పథకం ఉపయోగపడుతుందని చెప్పారు. కార్యక్రమంలో ఎంపీపీ రఘు, ఏఎంసీ ఛైర్మన్‌ అశోక్‌, మాజీ జడ్పీటీసీ సభ్యుడు ద్రోణవల్లి సతీశ్‌, తెరాస మండలాధ్యక్షుడు వీరేశం, ఎంపీటీసీ సందీప్‌, తెరాస నాయకులు గంగాధర్‌, లాయక్‌, లింగం, తదితరులు పాల్గొన్నారు.