రైతు డిక్లరేషన్‌ అమలు చేస్తాం

ఉప్లూర్‌తో మాట్లాడుతున్న అనిల్‌ ఈరవత్రి, చిత్రంలో మానాల మోహన్‌రెడ్డి

కమ్మర్‌పల్లి : రాష్ట్రంలో కాంగ్రెస్‌ అధికారంలోకి రాగానే రైతు డిక్లరేషన్‌ను అమలు చేస్తామని మాజీ ప్రభుత్వ విప్‌ అనిల్‌ ఈరవత్రి, డీసీసీ అధ్యక్షుడు మానాల మోహన్‌రెడ్డి పేర్కొన్నారు. కమ్మర్‌పల్లి మండలం ఉప్లూర్‌లో రైతు రచ్చబండ కార్యక్రమాన్ని శనివారం వారు ప్రారంభించి మాట్లాడారు. అన్ని పంటలకు మద్దతు ధర కల్పించి ప్రభుత్వమే కొనుగోలు చేస్తుందని స్పష్టం చేశారు. కౌలు రైతులకు సైతం రైతుబంధు, రూ.2 లక్షల రుణమాఫీ అమలు చేస్తామని పేర్కొన్నారు. గ్రామంలో కర్షకులకు డిక్లరేషన్‌ కరపత్రాలు పంపిణీ చేశారు. కార్యక్రమంలో మహిళా కాంగ్రెస్‌ జిల్లా అధ్యక్షురాలు భాగ్య, రవి, తిప్పిరెడ్డి శ్రీను, బుచ్చి మల్లయ్య, రాజేంద్ర ప్రసాద్‌, తిరుపతిరెడ్డి, రవీందర్‌ పాల్గొన్నారు.