ఇంటిని ఎత్తిపెట్టారు

వర్షాకాలంలో ఇంట్లోకి నీరు చేరుతుండటంతో ఓ యజమాని తన ఇంటిని ఐదు ఫీట్ల ఎత్తుకు లేపించారు. వడ్ల సత్యనారాయణ నగరంలోని దుబ్బ సాయిబృందావన్‌ కాలనీలో గతంలో ఇల్లు కట్టుకున్నారు. రానురాను రోడ్డు ఎత్తు కావడంతో ఏటా వర్షం నీరు ఇంటిలోకే వస్తోంది. దీంతో ఇంటి ఎత్తు పెంచాలని నిర్ణయించుకున్నారు. హరియాణాకు చెందిన ఓమ్‌సింగ్‌ చందన్‌ నేతృత్వంలో హౌజ్‌లిఫ్టింగ్‌ సర్వీస్‌కు పని అప్పగించారు. 120 గజాల ఇంటిని ఐదు ఫీట్ల మేర పైకి లేపడానికి రూ.2.16 లక్షలు ఖర్చయింది. 12 రోజుల సమయం పట్టింది.

- న్యూస్‌టుడే, నిజామాబాద్‌ అర్బన్‌