పొయ్యి వెలగట్లే..

అరకొరగా రేషన్‌ బియ్యం పంపిణీ
అర్బన్‌లో కార్డుదారులకు తప్పని తిప్పలు
న్యూస్‌టుడే, నిజామాబాద్‌ నగరం

నగరంలోని జెండాగల్లిలో మూసి ఉన్న రేషన్‌ దుకాణం

నిజామాబాద్‌ అర్బన్‌లో రేషన్‌ దుకాణాలకు పూర్తిస్థాయిలో బియ్యం కోటా అందక కార్డుదారులు అవస్థలు పడుతున్నారు. మొత్తం 87 షాపులు ఉండగా.. ఇంకా 47 దుకాణాలకు కోటా రాకపోవడం గమనార్హం. పలుచోట్ల మూసి ఉన్న దుకాణాలను చూసి కార్డుదారులు తీవ్ర అసహనం వ్యక్తం చేస్తున్నారు. ఈ నెలలో ఒక్కో సభ్యుడికి 15 కిలోల చొప్పున ఉచితంగా బియ్యం పంపిణీ చేయాల్సి ఉంది.

ప్రతినెలా ఆలస్యం
ఎంఎల్‌ఎస్‌ పాయింట్ల నుంచి లారీలో బియ్యంను రేషన్‌ దుకాణాలకు పంపిస్తారు. సకాలంలో సరకు రాకపోవడంతో అవి మూసి ఉంటున్నాయి. ప్రతినెల ఆలస్యంగా వస్తుండటంతో డీలర్లకు తలనొప్పిగా మారింది. గ్రామాలకు సరఫరా సక్రమంగానే ఉంటోంది. అర్బన్‌లో కార్డుదారులు ఎక్కువగా ఉండటంతో సమస్య ఏర్పడుతున్నట్లు తెలుస్తోంది.

ఈ నెల 20 వరకు..
- చంద్రప్రకాశ్‌, జిల్లా పౌర సరఫరాల అధికారి
ప్రతినెల బియ్యం పంపిణీ 1వ తేదీ నుంచి 15 లోపు మాత్రమే ఉంటుంది. అర్బన్‌లో ఇంకా కోటా సరఫరా కానుందన ఈ నెల 20 వరకు రేషన్‌ దుకాణాల్లో బియ్యం ఇవ్వనున్నాం. కార్డుదారులు ఆందోళన చెందాల్సిన పని లేదు. త్వరలోనే అన్ని దుకాణాలకు బియ్యం పంపేలా చర్యలు తీసుకుంటాం.