17న జూనియర్‌ అథ్లెటిక్స్‌ ఎంపికలు

కామారెడ్డి క్రీడావిభాగం, న్యూస్‌టుడే: కామారెడ్డి ఇందిరాగాంధీ స్టేడియంలో ఈ నెల 17న జూనియర్‌ అథ్లెటిక్స్‌ ఎంపికలు నిర్వహిస్తున్నట్లు అథ్లెటిక్స్‌ అసోసియేషన్‌ అధ్యక్ష, కార్యదర్శులు జైపాల్‌రెడ్డి, అనిల్‌కుమార్‌ గురువారం ఒక ప్రకటనలో తెలిపారు. అండర్‌-14, 16, 18, 20 విభాగాలకు చెందిన బాలబాలికలకు రన్స్‌, త్రోస్‌, జంప్స్‌ అంశాల్లో పోటీలు ఉంటాయని పేర్కొన్నారు. పాల్గొనే క్రీడాకారులు 2002 సెప్టెంబరు 8 నుంచి 2010 సెప్టెంబరు 7 మధ్యలో జన్మించి ఉండాలని తెలిపారు. వయస్సు ధ్రువీకరణ, పదో తరగతి మార్కుల మెమో జిరాక్సులు వెంట తెచ్చుకోవాలని సూచించారు. క్రీడాకారులు ఉదయం 8 గంటల వరకు స్టేడియానికి చేరుకోవాలని పేర్కొన్నారు.