దేశభక్తిని చాటాలి

జెండాలతో విద్యార్థులు, ఎమ్మెల్యే సురేందర్‌

గాంధారి, న్యూస్‌టుడే: దేశభక్తిని ప్రతి ఒక్కరు చాటాలని ఎమ్మెల్యే సురేందర్‌ అన్నారు. ఆదివారం రాత్రి కస్తూర్బా గురుకుల పాఠశాల విద్యార్థినులతో ర్యాలీ చేపట్టారు. ముఖ్య అతిథిగా ఎమ్మెల్యే హాజరయ్యారు. ఈసందర్భంగా బాణాసంచా కాల్చారు. ఎంపీపీ రాధ, జడ్పీటీసీ సభ్యుడు శంకర్‌, మాజీ జడ్పీటీసీ సభ్యులు తానాజీ, ఎంపీడీవో సతీష్‌, సొసైటీ, ఏఎంసీ ఛైర్మన్‌లు సాయికుమార్‌, సత్యంరావు, సర్పంచి సంజీవ్‌, కేజీబీవీ ప్రత్యేకాధికారి శిల్ప, తదితరులు పాల్గొన్నారు.

లింగంపేట, న్యూస్‌టుడే: సీఎం కేసీఆర్‌ వృద్ధులకు, వితంతువులకు నూతన పింఛన్లను ఈ నెల 15న పంపిణీ చేయనున్న నేపథ్యంలో ఎమ్మెల్యే సురేందర్‌ అయిలాపూర్‌ గ్రామానికి ఆదివారం వెళ్లి మంజూరు విషయాన్ని ఇంటింటికీ వెళ్లి తీపికబురు తెలిపారు. ఈ సందర్భంగా ఆయన మాట్లాడుతూ. వజ్రోత్సవాల్లో భాగంగా మండలానికి ఒక గ్రామాన్ని ఎంపిక చేసుకుని ఆ గ్రామంలో లబ్ధిదారులకు మొదట పింఛను పంపిణీ చేయనున్నట్లు తెలిపారు.