పరేడ్‌ మైదానంలో పంద్రాగస్టు వేడుకలు

ఏర్పాట్ల గురించి చర్చిస్తున్న పాలనాధికారి నారాయణరెడ్డి, సీపీ నాగరాజు, అదనపు పాలనాధికారి చంద్రశేఖర్‌

నిజామాబాద్‌ కలెక్టరేట్‌ : పంద్రాగస్టు వేడుకలను జిల్లా కేంద్రంలోని పోలీస్‌ పరేడ్‌ మైదానంలో నిర్వహించనున్నారు. ఈ సందర్భంగా పాలనాధికారి నారాయణరెడ్డి, సీపీ నాగరాజు ఆదివారం ఏర్పాట్లను పరిశీలించారు. వారి వెంట అదనపు పాలనాధికారి చంద్రశేఖర్‌, నిజామాబాద్‌ ఆర్డీవో టి.రవి ఉన్నారు. వేడుకల్లో మంత్రి వేముల ప్రశాంత్‌రెడ్డి పాల్గొననున్నారు. ఉదయం 10.30కు జాతీయ జెండా ఆవిష్కరణ, 10.40కు మంత్రి ప్రసంగం, 11.15కు ప్రభుత్వ పథకాలపై శకటాల ప్రదర్శన, 12.25కు ఉత్తమ సేవలు అందించిన అధికారులకు ప్రశంసాపత్రాలు ఇవ్వనున్నారు.