అక్రమ నిర్మాణం కూల్చివేత

ఆర్మూర్‌ పట్టణం, న్యూస్‌టుడే: పట్టణంలోని జర్నలిస్టు కాలనీలో జలవనరుల శాఖ స్థలాన్ని కొందరు కబ్జా చేసి నిర్మాణం చేపడుతున్నట్లు గుర్తించిన అధికారులు ఈ నెల 14న పోలీసులకు ఫిర్యాదు చేశారు. సర్వే నంబరు 401/66లో అక్రమంగా ప్రహరీ నిర్మించేందుకు సామగ్రి తీసుకొచ్చారు. మంగళవారం జలవనరులు, బల్దియా, రెవెన్యూ అధికారులు స్థలాన్ని పరిశీలించి నిర్మాణాన్ని కూల్చివేశారు. జలవనరుల శాఖ డీఈ కృష్ణమూర్తి మాట్లాడుతూ.. ఇక్కడ ఎవరు నిర్మాణాలు చేపట్టినా చర్యలు ఉంటాయని హెచ్చరించారు. త్వరలో ప్రహరీ నిర్మిస్తామన్నారు. పుర కమిషనర్‌ జగదీశ్వర్‌ గౌడ్‌, తహసీల్దార్‌ వేణుగోపాల్‌, సర్వేయర్‌ రాజు, పట్టణ ప్రణాళిక అధికారులు హరీశ్‌, వినీత్‌ ఉన్నారు.