ఆడిటోరియంలో మెగా రక్తదాన శిబిరం

కామారెడ్డి పట్టణం : స్వాతంత్ర్య భారత వజ్రోత్సవాల్లో భాగంగా కళాభారతి ఆడిటోరియంలో మెగా రక్తదానం శిబిరం నిర్వహించారు. ఈ కార్యక్రమానికి కలెక్టర్‌ జితేశ్‌ పాటిల్‌ హాజరై మాట్లాడారు. యువత రక్తదానం చేయడానికి ముందుకు రావాలని పిలుపునిచ్చారు. ఆపదలో ఉన్న వారికి రక్తదానం చేసి అండగా నిలవాలన్నారు. రెడ్‌ క్రాస్‌ సొసైటీ జిల్లా ఛైర్మన్‌ రాజన్న మాట్లాడుతూ స్వాతంత్ర్య భారత వజ్రోత్సవాల్లో భాగంగా రక్తదానం శిబిరం ఏర్పాటు చేశామన్నారు. ఈ శిబిరానికి స్పందన రావడం అభినందనీయమన్నారు. కార్యక్రమంలో డీఎంహెచ్‌వో లక్ష్మణ్‌సింగ్‌, ప్రభుత్వ వైద్యుల సంఘం జిల్లా అధ్యక్షుడు శ్రీనివాస్‌, పురపాలక సిబ్బంది పాల్గొన్నారు.