భాజపా ఆధ్వర్యంలో చాకలి ఐలమ్మ జయంతి

కామారెడ్డి పట్టణం : జిల్లా కేంద్రంలో భాజపా ఆధ్వర్యంలో తెలంగాణ సాయుధ పోరాట యోధురాలు చాకలి ఐలమ్మ జయంతిని నిర్వహించారు. ఆర్‌అండ్‌ బీ అతిథి గృహం ఎదుట భాజపా అసెంబ్లీ ఇన్‌ఛార్జ్‌ వెంకటరమణారెడ్డి ఐలమ్మ విగ్రహానికి పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ భూమి కోసం, వెట్టి చాకిరి విముక్తి కోసం ఐలమ్మ  పోరాటం  చేసిందన్నారు. ఆమె పోరాట పటిమను నేటి తెలంగాణ యువత స్ఫూర్తిగా తీసుకోవాలన్నారు. ఈ కార్యక్రమంలో భాజపా ఫ్లోర్‌ లీడర్‌ శ్రీకాంత్‌, కౌన్సిలర్లు శ్రీనివాస్‌, మానస, నాయకులు భరత్‌, సురేష్‌ తదితరులు పాల్గొన్నారు.