కల్యాణ లక్ష్మి పథకం.. పేదలకు వరం

బీర్కూరు : కల్యాణ లక్ష్మి పథకం పేదలకు వరంలా మారిందని ఎంపీడీవో భానుప్రకాశ్‌, మాజీ జడ్పీటీసీ సభ్యుడు ద్రోణవల్లి సతీశ్‌ పేర్కొన్నారు. మండలంలోని తిమ్మాపూర్‌, బీర్కూరు తాండ, మల్లాపూర్‌ గ్రామాల్లో లబ్ధిదారులకు మంజూరైన చెక్కులను అందజేశారు. అనంతరం వారు మాట్లాడుతూ పేదింటి ఆడబిడ్డల పెళ్లి కోసం ప్రభుత్వం ఒక్కొక్కరికి రూ.లక్షకు పైగా ఆర్థిక సహాయం అందిస్తోందని చెప్పారు. మహిళలకు బతుకమ్మ చీరలు, ఆసరా గుర్తింపు కార్డులను పంపిణీ చేశారు. కార్యక్రమంలో సర్పంచ్‌లు రమాకుమారి, దేవీబాయి, ఏపీఎం గంగాధర్‌ యాదవ్‌, పంచాయతీ కార్యదర్శులు శ్రీనివాస్‌, అనిత పాల్గొన్నారు.