సిద్ధాపూర్‌తో 14 వేల ఎకరాలకు సాగునీరు

నస్రుల్లాబాద్‌లో మహిళలు, చిన్నారులతో కలిసి కోలాటం ఆడుతున్న పోచారం దంపతులు

బాన్సువాడ, నస్రుల్లాబాద్‌, న్యూస్‌టుడే: సిద్ధాపూర్‌ రిజర్వాయర్‌ పూర్తయితే వర్ని, బాన్సువాడ, గాంధారి మండలాల్లో 14 వేల ఎకరాలకు సాగునీరు అందుతుందని సభాపతి పోచారం శ్రీనివాస్‌రెడ్డి పేర్కొన్నారు. హన్మాజిపేట్‌లో సహకార సంఘం భవనం, రూ.25 లక్షలతో గోదాం, దుకాణ సముదాయం, క్వార్టర్స్‌, మురుగు కాలువల నిర్మాణం, నక్కల కుంట రోడ్డు, వంతెన, పెద్దకట్టకింద రోడ్డు, వంతెన నిర్మాణ పనులను గురువారం ప్రారంభించారు.  నస్రుల్లాబా ద్‌లో సభాపతి దంపతులు బతుకమ్మ ఆడారు. హన్మాజిపేట్‌లో సర్పంచి సుభాష్‌ అమ్మమ్మ-తాతల జ్ఞాపకార్థం 140 గజాల స్థలం బీడీ కార్మికుల భవనానికి విరాళం ఇవ్వగా.. సభాపతి ఎస్‌డీఎఫ్‌ నుంచి రూ.10 లక్షలు మంజూరు చేసి పనులు ప్రారంభించారు.