బాసరకు వీఆర్‌ఏల పాదయాత్ర

నినాదాలు చేస్తున్న ఉద్యోగులు

నవీపేట, న్యూస్‌టుడే: తమ సమస్యలు పరిష్కరించాలని విభిన్న రీతిలో నిరసన తెలుపుతున్న వీఆర్‌ఏలు గురువారం నిర్మల్‌ జిల్లా బాసర అమ్మవారి ఆలయానికి  పాదయాత్రగా తరలివెళ్లారు. నవీపేట, బాసర మండలాలకు చెందిన ఉద్యోగులు ముందుగా గోదావరిలో పుణ్యస్నానాలు ఆచరించి ఆలయానికి చేరుకున్నారు. సీఎం కేసీఆర్‌ గతంలో తమకు ఇచ్చిన హామీలను నెరవేర్చాలని కోరుతూ పూజలు చేసినట్లు వారు పేర్కొన్నారు. సంఘం జిల్లా అధ్యక్షుడు దయాసాగర్‌, కార్యదర్శి సాయన్న, నవీపేట మండలాధ్యక్షుడు బద్దెం గంగాధర్‌, నరేశ్‌ తదితరులు పాల్గొన్నారు.