రెండు గేట్లు ఎత్తివేత

మంజీరలోకి విడుదలవుతున్న మిగులు జలాలు

నిజాంసాగర్‌, న్యూస్‌టుడే: ఎగువ ప్రాంతాల నుంచి నిజాంసాగర్‌ ప్రాజెక్టులోకి వరద పెరగడంతో రెండు వరద గేట్ల ద్వారా మంజీరలోకి విడుదల చేసినట్లు జలవనరులశాఖ ఏఈఈ శివప్రసాద్‌ తెలిపారు. శనివారం సాయంత్రం సాగర్‌లోకి 9805 క్యూసెక్కుల వరద  వచ్చి చేరిందని, రెండు గేట్ల నుంచి 8 వేల క్యూసెక్కులు మంజీరలోకి, జలవిద్యుదుత్పత్తి కేంద్రం ద్వారా 1805 క్యూసెక్కులు నిజాంసాగర్‌ ప్రధాన కాలువలోకి  విడుదల చేసినట్లు చెప్పారు. జలాశయం పూర్తిస్థాయి నీటిమట్టం 1405 అడుగులు (17.802 టీఎంసీలు) కాగా ప్రస్తుతం 1404 అడుగుల (17.687 టీఎంసీలు) నీరు ఉందని చెప్పారు.