అంగన్వాడీ కేంద్రంలో కుక్కర్‌ పేలి చిన్నారికి తీవ్ర గాయాలు

ఎడపల్లి: మండల కేంద్రంలోని ఓ అంగన్వాడీ పాఠశాలలో శనివారం కుక్కర్‌ పేలి చిన్నారికి తీవ్ర గాయాలయ్యాయి. అంగన్వాడీ కేంద్రంలో ఆయా ఆహారం ఏర్పాటు చేసి పిల్లలకు  అందించింది.  వారు ఆహారం తింటున్న క్రమంలో ఆ పక్కనే ఉన్న గ్యాస్‌ పొయ్యిపై పప్పు ఉడుకుతున్న కుక్కర్‌ ఒక్కసారిగా పేలి కిందపడింది. దీంతో అక్కడే ఉన్న చిన్నారి అనూషపై వేడినీళ్లు పడ్డాయి. ఈ ప్రమాదంలో పాప పొట్ట వేడినీళ్లు పడి తీవ్రంగా గాయాలయ్యాయి. విషయం తెలుసుకున్న చిన్నారి తల్లిదండ్రులు అంగన్వాడీ కేంద్రం వద్ద ఆందోళన చేశారు. అనంతరం బాధితురాలిని బోధన్‌లోని ఆసుపత్రికి తరలించారు. బాలిక ఆరోగ్య పరిస్థితి నిలకడగా ఉందని వైద్యులు తెలిపారు.