శాస్త్రీయ దృక్పథంతో ఆలోచించాలి: డీఈవో రాజు

రాష్ట్రస్థాయికి ఎంపికైన విద్యార్థులతో విద్యాశాఖ జిల్లా అధికారులు

కామారెడ్డి పట్టణం: విద్యార్థులు శాస్త్రీయ ద]ృక్పథంతో ఆలోచించాలని కామారెడ్డి డీఈవో రాజు సూచించారు. జిల్లాకేంద్రంలోని మైనార్టీ గురుకులంలో శుక్రవారం జాతీయ చిల్డ్రన్‌ సైన్స్‌ కాంగ్రెస్‌ నిర్వహించారు. ముఖ్య అతిథిగా ఆయన హాజరై మాట్లాడారు. విజ్ఞానంతోనే దేశ భవిష్యత్తు సాధ్యమన్నారు. ప్రతి విద్యార్థి చదువుతో పాటు ఇతర అంశాలపై ఆసక్తి చూపాలన్నారు. వారం రోజుల వ్యవధిలోనే ప్రదర్శనకు 94 అంశాలు రావడం అభినందనీయమన్నారు. సాయికృష్ణ(జడ్పీహెచ్‌ఎస్‌- మహమ్మదాబాద్‌), చరణ్య(ఇసాయిపేట), సంకీర్తన(తుజాల్‌పూర్‌), శ్రావ్య(ఘన్‌పూర్‌), అభిలాశ్‌(పాల్వంచ), అమృత(ఆదర్శ - నిజాంసాగర్‌) ప్రదర్శనలు రాష్ట్రస్థాయికి ఎంపికయ్యాయి. సైన్స్‌ జిల్లా అధికారి సిద్దిరాంరెడ్డి, అధికారులు శ్రీపతి, గంగాకిషన్‌, బాపురెడ్డి, ప్రవీణ్‌, శ్రీనివాస్‌, శ్రీధర్‌, ప్రతాప్‌రెడ్డిలున్నారు.