నకిలీ విత్తనాలు అంటగట్టారని ఫిర్యాదు

బీర్కూర్: మండల కేంద్రంలోని ఓ పురుగుల మందు దుకాణంలో 20మంది రైతులు 150 బస్తాల సన్న రకం వరి విత్తనాలను కొనుగోలు చేశారు. వారం రోజులు గడిచినా విత్తనాలు మొలకెత్తకపోవడంతో మోసపోయినట్లు గ్రహించిన రైతులు వ్యవసాయాధికారులకు ఫిర్యాదు చేశారు. ఈమేరకు వ్యవసాయ శాఖ ఏడీ వినయ్‌కుమార్‌, ఏవో కమల పంట పొలాలను పరిశీలించారు. అనంతరం రైతులు మాట్లాడుతూ.. ఒక్కో బస్తా రూ.950పెట్టి కొనుగోలు చేసినట్లు తెలిపారు. వాటిని పొలాల్లో వెదజల్లేందుకు మరింత ఖర్చయిందని తెలిపారు. కంపెనీ వాళ్లు తమకు నష్టపరిహారం చెల్లించాలని రైతులు డిమాండ్‌ చేశారు.