నూతన విద్యావిధానాన్ని రద్దు చేయాలి

 హైదరాబాద్‌ కేంద్ర విశ్వవిద్యాలయం ఆచార్య లక్ష్మీనారాయణ

‘రగిలే జ్ఞాపకం’ పుస్తకాన్ని ఆవిష్కరిస్తున్న గొర్రెపాటి మాధవరావు, ఇఫ్టూ నేత ప్రదీప్‌, వీక్షణం ఎడిటర్‌ వేణుగోపాల్‌ తదితరులు

నిజామాబాద్‌ విద్యావిభాగం, న్యూస్‌టుడే: కేంద్ర ప్రభుత్వం తీసుకొస్తున్న నూతన జాతీయ విద్యావిధానాన్ని వెనక్కి తీసుకోవాలని హైదరాబాద్‌ సెంట్రల్‌ యూనివర్సిటీ ఆచార్యులు లక్ష్మీనారాయణ కోరారు. నిజామాబాద్‌ నగరంలో మూడు రోజులుగా కొనసాగిన పీడీఎస్‌యూ రాష్ట్ర మహాసభలు శనివారం ముగిశాయి. ఈ సందర్భంగా ఆయన మాట్లాడుతూ.. రాష్ట్ర ప్రభుత్వం ఉద్యమ ఆకాంక్షలను నెరవేర్చకుండా కాలయాపన చేస్తోందని, యువతకు ఉద్యోగ, ఉపాధి అవకాశాలు కల్పించడంలో తీవ్ర నిర్లక్ష్యం వహిస్తోందని ఆరోపించారు. విద్యారంగానికి బడ్జెట్‌ పెంచాలని, ఖాళీలు భర్తీ చేయాలన్నారు. అరుణోదయ సాం స్కృతిక సమాఖ్య రాష్ట్ర నాయకుడు ఉదయగిరి రాసిన ‘ఎగిసేటి యువ తరంగాలై’ పాట సీడీతో పాటు ‘రగిలే జ్ఞాపకం’ అనే పుస్తకాన్ని గొర్రెపాటి మాధవరావు, ఇఫ్టూ నేత ప్రదీప్‌, వీక్షణం ఎడిటర్‌ వేణుగోపాల్‌, నాగన్న, పాపయ్య, పరుచూరి శ్రీధర్‌, సాయిబాబా ఆవిష్కరించారు. పీడీఎస్‌యూ రాష్ట్ర అధ్యక్షుడు జూపాక శ్రీనివాస్‌, ఉపాధ్యక్షుడు శ్రీకాంత్‌, ప్రధాన కార్యదర్శి మహేష్‌ పాల్గొన్నారు.