నాటు తుపాకీ పేలి వేటగాడు మృతి

తూంపల్లిలో ఘటన

బానావత్‌ రావోజీ

సిరికొండ, మాచారెడ్డి, న్యూస్‌టుడే: వన్య ప్రాణుల వేటకు వెళ్లిన వేటగాడు ప్రమాదవశాత్తు నాటు తుపాకీ పేలి మృతి చెందిన ఘటన సిరికొండ మండలం తూంపల్లి అటవీ ప్రాంతంలో చోటు చేసుకుంది. ధర్పల్లి సీఐ సైదా, సిరికొండ ఎస్సై నర్సింహులు కథనం ప్రకారం.. కామారెడ్డి జిల్లా మాచారెడ్డి మండలం సర్ధాపూర్‌తండాకు చెందిన బానావత్‌ రావోజీ, రాంరెడ్డి, సోమర్‌పేట్‌కు చెందిన ఆశారెడ్డి కలిసి బుధవారం రాత్రి తూంపల్లి శివారులోని అటవీ ప్రాంతానికి వెళ్లారు. చెట్టుపై ఉన్న రావోజీ (38)కి కింద ఉన్న రాంరెడ్డి తుపాకీ అందిస్తున్న క్రమంలో ట్రిగ్గర్‌ కొమ్మకు తగిలి పేలింది. తూటా నేరుగా రావోజీకి తగలడంతో అక్కడికక్కడే కుప్పకూలాడు. మృతుడికి ఇద్దరు కూతుళ్లు, ఒక కొడుకు ఉన్నారు. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. ఘటనా స్థలిని గురువారం డీఎఫ్‌ఓ వికాస్‌మీనా పరిశీలించారు. వేటగాళ్లపై వన్య ప్రాణుల సంరక్షణ చట్టం- 1972 సెక్షన్లు 9, 39, 49, 50 కింద కేసు నమోదు చేశారు.

లభ్యమైన నాటు తుపాకీ