కాడునే కాజేశారు

చోరీ చేసేందుకు కాదేది అనర్హం అన్నట్లు.. కొందరు ఆగంతుకులు అంతిమ సంస్కారాలు జరిపేందుకు ఏర్పాటు చేసిన కాడునే కాజేశారు. వినడానికి వింతగా ఉన్నా.. నందిపేట్‌ మండలం ఆంధ్రానగర్‌ శ్మశానవాటికలో ఈ ఘటన చోటు చేసుకుంది. వైకుంఠధామంలో రెండు చితులు ఒకేసారి పేర్చుకునేందుకు వీలుగా ఇనుప స్తంభాలు బిగించారు. ఒక్కోదానికి ఆరేసి చొప్పున కడ్డీలు ఏర్పాటు చేశారు. ఇందులో ఒకదానికి సంబంధించి పూర్తిగా ఎత్తుకెళ్లగా మరోదాంట్లో ఒక స్తంభం కాజేశారు.  ఇటీవల గ్రామంలో ఓ వ్యక్తి చనిపోవడంతో శ్మశానానికి వెళ్లగా స్తంభాలు కనిపించకపోవడంతో గ్రామస్థులు అవాక్కయ్యారు.

న్యూస్‌టుడే, నందిపేట్‌ గ్రామీణం