ప్రయాణికుల భద్రతకు పెద్దపీట

సూపర్‌ లగ్జరీ బస్సుల ప్రారంభోత్సవంలో ఆర్‌ఎం  ఉషాదేవి, డీఎం టీఎన్‌ స్వామి తదితరులు

బోధన్‌ పట్టణం, న్యూస్‌టుడే: ప్రయాణికుల భద్రతకు ఆర్టీసీ పెద్దపీట వేస్తోందని ఆర్‌ఎం ఉషాదేవి అన్నారు. బోధన్‌ డిపోలో రెండు సూపర్‌ లగ్జరీ బస్సులను ఆమె బుధవారం ప్రారంభించారు. కొత్త బస్సుల్లో అధునాతన సదుపాయాలు ఉన్నాయని చెప్పారు. హైదరాబాద్‌, ఒంగోలు మార్గాల్లో ప్రయాణించే ఈ బస్సుల్లో అగ్ని ప్రమాదాన్ని గుర్తించే అలారం, సీసీ కెమెరాలు అందుబాటులో ఉన్నాయని పేర్కొన్నారు. సర్వీసులను సద్వినియోగం చేసుకోవాలని కోరారు. బోధన్‌ ప్రయాణ ప్రాంగణంలో మూత్రశాలలు, మరుగుదొడ్లను ఉచితంగా వినియోగించుకునే సౌకర్యాన్ని అమల్లోకి తీసుకొస్తున్నట్లు ప్రకటించారు. డీఎం టీఎన్‌ స్వామి తదితరులున్నారు.