వివాహిత బలవన్మరణం

దవాఖానా వద్ద ఆందోళన చేస్తున్న కుటుంబ సభ్యులు

ఆర్మూర్‌ పట్టణం, న్యూస్‌టుడే: ఆర్మూర్‌ పట్టణంలోని పెర్కిట్‌కు చెందిన ఓ వివాహిత ఆత్మహత్యకు పాల్పడ్డారు. స్థానికుల కథనం ప్రకారం.. సిరికొండ మండలం గడ్కోల్‌కు చెందిన ఉప్పునూతుల పల్లవి (28)కి పెర్కిట్‌కు చెందిన శివకుమార్‌తో ఆరు సంవత్సరాల కిందట వివాహమైంది. ఈ క్రమంలో కొన్ని రోజులుగా అత్తింటి వేధింపులకు తాళలేక గురువారం యాసిడ్‌ తాగి ఆత్మహత్యకు పాల్పడింది. కుటుంబ సభ్యులు స్థానిక ఓ ప్రైవేటు ఆసుపత్రికి తరలించారు. అక్కడ చికిత్స పొందుతూ మృతిచెందారు. దీంతో ఆమె బంధువులు ఆందోళనకు దిగారు. పోలీసులు ఘటనా స్థలానికి చేరుకొని ఇరు కుటుంబాలను సముదాయించారు. శవపరీక్ష నిమిత్తం మృతదేహాన్ని ఆర్మూర్‌ ప్రభుత్వాసుపత్రికి తీసుకెళ్లారు. ఆమెకు ఇద్దరు పిల్లలు ఉన్నారు. భర్తపై దాడి చేయడంతో అతను చికిత్స పొందుతున్నట్లు సమాచారం. కుటుంబ సభ్యుల ఫిర్యాదు మేరకు కేసు నమోదు చేసి, దర్యాప్తు చేస్తున్నట్లు ఎస్‌హెచ్‌వో సురేశ్‌బాబు తెలిపారు.