జాతీయస్థాయి పోటీలకు ఎంపిక

చందును అభినందిస్తున్న ప్రిన్సిపల్‌ దుర్గారెడ్డి

ఆర్మూర్‌ పట్టణం : ఆర్మూర్‌ సాంఘిక సంక్షేమ బాలుర గురుకుల విద్యార్థి చందు జాతీయ స్థాయి హ్యాండ్‌బాల్‌ పోటీలకు ఎంపికైనట్లు ప్రిన్సిపల్‌ దుర్గారెడ్డి గురువారం తెలిపారు. ఈ నెల 10 నుంచి 12 వరకు ఆర్మూర్‌ నరేంద్ర పాఠశాలలో జరిగిన రాష్ట్ర స్థాయి సబ్‌ జూనియర్‌ పోటీల్లో పాల్గొని జిల్లా జట్టు తరఫున ప్రతిభ చాటినట్లు వెల్లడించారు. ఈ నెల 25 నుంచి 28 వరకు అసోంలో జరిగే జాతీయ స్థాయి పోటీల్లో పాల్గొంటారని పేర్కొన్నారు. జిల్లా అడ్‌హక్‌ కమిటీ కన్వీనర్‌ సురేందర్‌, కో-కన్వీనర్‌ రాజేశ్‌, వ్యాయామ ఉపాధ్యాయ సంఘం జిల్లా అధ్యక్షుడు విద్యాసాగర్‌, పీఈటీలు రాజేందర్‌, అర్జున్‌, ప్రవీణ్‌, నరేశ్‌ క్రీడాకారుడిని అభినందించారు.