బండి తీయాలంటే.. భయం భయం

పాలకొండ కూడలి సమీపంలో అడుగుకో గుంత

రాజాం-పాలకొండ రహదారి పేరు చెబితేనే చోదకుల గుండెల్లో రైళ్లు పరుగెడుతున్నాయి. జిల్లాలో రెండు నియోజకవర్గాలకు, అటు ఒడిశాకు వెళ్లే ఈ ప్రధాన రహదారి భారీ గుంతలతో దర్శనమిస్తోంది. ప్రస్తుత వర్షాలకు గోతుల్లో నీరు చేరి చెరువులను తలపిస్తున్నాయి. దీంతో వాహనాలు నడపలేక చోదకులు ఆపసోపాలు పడుతున్నారు. రహదారుల అభివృద్ధికి న్యూ డెవలప్‌మెంట్‌ బ్యాంక్‌ (ఎన్‌డీబీ) నిధులు మంజూరైనా పనులు ప్రారంభించలేదు. పాలకొండ కూడలి, సీతారామథియేటర్‌, డోలపేట ప్రాంతాల్లో అడుగుతీసి అడుగు వేయలేని దుస్థితి. నిత్యం ఇటుగా వేలాది వాహనాలు వెళుతుంటాయి. దీంతో నిత్యం అవస్థలు తప్పడం లేదని పలువురు వాపోతున్నారు. దీనిపై ఆర్‌అండ్‌బీ జేఈ నాగభూషణరావును వివరణ కోరగా ఎన్‌డీబీ నిధులతో పనులు చేపడతామని,  ఇప్పటికే  రూ.20 కోట్లతో టెండర్లు పిలిచామన్నారు.

సీతారామ థియేటర్‌ వద్ద చెరువులా ఇలా..

- న్యూస్‌టుడే, రాజాం