అందమైన ‘బొమ్మల కొలువు’ చూతము రారండి

కొలువుదీరిన వివిధ రకాల బొమ్మలు

బ్రహ్మపుర నగరం, న్యూస్‌టుడే: దేవీ నవరాత్రోత్సవాల సందర్భంగా బ్రహ్మపురలో తెలుగు ప్రముఖులు డాక్టర్‌ జమ్ముల నారాయణరావు, శైలజ దంపతుల ఇంట్లో ఏర్పాటు చేసిన ‘బొమ్మల కొలువు’ ప్రత్యేక ఆకర్షణగా నిలుస్తోంది. స్థానిక చిన్నబజారు ప్రాంతంలోని వారి ఇంట్లో 600లకుపైగా వివిధ రకాల బొమ్మలతో ఏర్పాటు చేసిన ఇది సందర్శకులను ఆకట్టుకుంటోంది. సోమవారం కొలువు వద్ద ప్రత్యేక పూజలు నిర్వహించిన అనంతరం మహిళల సామూహిక పారాయణాలు, భక్తిగీతాలాపనలు, పండగలపై క్విజ్‌ పోటీలు, సరదా ఆటలు తదితరాలు నిర్వహించారు. జమ్ముల శైలజ వీటిని పర్యవేక్షించారు.