అగ్నిప్రమాదంలో ఒరిజినల్‌ సర్టిఫికేట్లు దగ్ధం

కాలి బూడిదైన సామగ్రి

మాచ్‌ఖండ్‌, న్యూస్‌టుడే: ఇంట్లో విద్యుత్తు షార్ట్‌ సర్క్యూట్‌ కారణంగా విలువైన సామగ్రి, నగదుతోపాటు విద్యార్థి ధ్రువపత్రాలు దగ్ధమైన ఘటన మట్టంపుట్‌లో చోటు చేసుకుంది. వివరాల్లోకి వెళితే.. లమతాపుట్‌ సమితి గున్నయిపడా పంచాయతీ పరిధిలోని మట్టంపుట్‌ గ్రామానికి చెందిన సొదపంగి చిరు వ్యాపారి. సోమవారం సాయంత్రం ఆయన ఇంట్లో విద్యుత్తుషార్ట్‌ సర్క్యూట్‌ కారణంగా మంటలు చెలరేగాయి.  సొదపంగి, ఆయన భార్య మంటలు ఆర్పేందుకు ప్రయత్నించినా సాధ్యం కాలేదు. దీంతో దుకాణంలో సామగ్రితోపాటు రూ.40 వేల నగదు, వారి కుమార్తె సునీత పంగి మెట్రిక్‌, ఇంటర్‌, డిగ్రీ ఒరిజినల్‌ ధ్రువపత్రాలు కాలిపోయాయి. లమతాపుట్‌ అగ్నిమాపక సిబ్బంది మంటలను నియంత్రించారు.