నేడు సోమనాథ వ్రతాలు

భువనేశ్వర్‌, న్యూస్‌టుడే: జగన్నాథ సంస్కృతికి నిలయమైన ఉత్కళవాసులు వైష్ణు, శైవ, శాక్తేయ పూజలు, అన్ని వ్రతాలు నిర్వహిస్తారు. 12 నెలల్లో 13 పండుగలు (బారో మాసో- తేరో జతొ)గా వినుతికెక్కిన ఒడిశాలో విజయ దశమినాడు ఆయుధ పూజలు నిర్వహిస్తారు. మహిళలు కఠోర ఉపవాసం చేసి రాత్రి శివపార్వతుల సోమనాథ వ్రతం చేపడతారు. విజయదశమి రోజున ఈ పూజలు చేస్తే కుటుంబాల్లో శుభాలు చేకూరతాయన్న నమ్మకం ఉంది. బుధవారం దసరా వేడుకల నేపథ్యంలో రాష్ట్ర వ్యాప్తంగా ఉత్సవ వాతావరణం కనిపిస్తోంది. మరికొన్నిచోట్ల రావణ దహనం కార్యక్రమానికి ఏర్పాట్లు పూర్తయ్యాయి.