కోణార్క్‌-2022 నృత్యోత్సవాలు ప్రారంభం

ఉత్సవాల్లో అలరించిన శాస్త్రీయ నృత్యాలు

గోపాలపూర్‌, న్యూస్‌టుడే: పూరీ జిల్లా కోణార్క్‌ శిల్పకళారామం ఆవరణలో గురువారం రాత్రి కోణార్క్‌-2022 అయిదు రోజుల నృత్యోత్సవాలు ప్రారంభమయ్యాయి. పర్యటక, సాంస్కృతిక శాఖల మంత్రి అశ్వినిపాత్ర్‌ ఈ వేడుకలకు జ్యోతి వెలిగించి ప్రారంభించారు. కలెక్టరు సమర్థవర్మ, ఎస్పీ కె.విశాల్‌సింగ్‌, ఇతర అధికారులు పాల్గొన్నారు. అనంతరం ప్రారంభమైన శాస్త్రీయ నృత్యాలు సందర్శకులను ఆకట్టుకున్నాయి. ఈ వేడుకలను దృష్టిలో పెట్టుకున్న పర్యటక శాఖ పూరీ, భువనేశ్వర్‌ నుంచి కోణార్క్‌కు రాకపోకలు చేయడానికి లగ్జరీ బస్సులు ఏర్పాటు చేసింది.