పనులు నిలిచాయి... అవస్థలు పెరిగాయి

అవస్థలు పడుతున్న వాహన చోదకులు

జయపురం, న్యూస్‌టుడే: కోట్పాడు సమితి బాతర్ల సంచాయతీ భక్తిగూడ-కాశీగూడ రహదారిపై అసంపూర్ణంగా మిగిలి కల్వర్టు పనులు వలన గ్రామస్థులు అవస్థలు పడుతున్నారు. గ్రామస్థులు తెలిపిన వివరాలు ప్రకారం.. 6 నెలల క్రితం పనులు ప్రారంభించి పనులు మధ్యలో వదిలేశారు. దీంతో గ్రామాల్లోకి అత్యవసర సమయంలో అంబులెన్స్‌ రాకపోవడమే కాకుండా ఏదైన పనిమీద పంచాయతీ కార్యాలయానికి రావాలంటే ఇబ్బందులు తప్పట్లేదని వాపోయారు. పలుమార్లు అదికారులు దృష్టికి తీసుకెళ్లిన ఫలితం లేకపోయిందని ఆవేదన వ్యక్తం చేశారు. త్వరగా పనులు పూర్తి చేయకుంటే కలెక్టరు కార్యాలయం వద్ద నిరసన చేస్తామని హెచ్చరించారు. ఈ విషయమై సర్పంచ్‌ త్రినాథ్‌ మాఝి మాట్లాడుతూ బీడీవో రాజీవ్‌ దాస్‌ దృష్టికి తీసుకెళ్లమని.. త్వరలో పనులు ప్రారంబిస్తామని బీడీవో హామీ ఇచ్చినట్లు తెలిపారు.