ట్రై సైకిల్‌పై దిల్లీ బయల్దేరిన దివ్యాంగుడు

షేక్‌ రెహమాన్‌

కటక్‌, న్యూస్‌టుడే: కటక్‌లోని బంసుగల్లి ప్రాంతానికి చెందిన దివ్యాంగుడైన మెకానిక్‌ షేక్‌ రెహమాన్‌ ప్రధాని నరేంద్ర మోదీని కలుసుకునేందుకు గురువారం ట్రైసైకిల్‌పై దిల్లీ బయలుదేరాడు. కటక్‌ ఒడియా బజార్‌ ప్రాంతంలోని నేతాజీ సుభాష్‌ చంద్రబోస్‌ స్మారక గృహం నుంచి ప్రయాణం ప్రారంభించారు. భాజపా కటక్‌ జిల్లా అధ్యక్షుడు లలాటేందు బడు జెండా ఊపి ఆయన ప్రయాణాన్ని ప్రారంభించారు. ఈ సందర్భంగా షేక్‌ రెహమాన్‌ మీడియాతో మాట్లాడుతూ ప్రధాని నరేంద్ర మోదీ దేశ గౌరవాన్ని ప్రపంచ స్థాయికి తీసుకెళ్లారని, ఒడిశాలో దివ్యాంగుల కోసం ప్రభుత్వం ఎలాంటి సహకారం అందించడం లేదని, వారిని ఆదుకోవాలని ప్రధానిని కోరేందుకు వెళుతున్నట్లు చెప్పారు.