రాజధానిలో రాయ్‌ఘర్‌ కూరగాయలకు గిరాకీ

బస్సుపైకి కూరగాయల బస్తాలు ఎక్కిస్తున్న రైతు

నవరంగపూర్‌, న్యూస్‌టుడే: భువనేశ్వర్‌లో నవరంగపూర్‌ జిల్లా రాయ్‌ఘర్‌ కూరగాయలకు గిరాకీ పెరిగింది. దాంతో ప్రతి రోజు బస్సుల్లో 20-25 క్వింటాళ్ల కూరగాయలు రాజధానికి ఎగుమతి అవుతున్నాయి. ఒకప్పుడు ఇక్కడి రైతులు రాగులు, మొక్కజొన్న వరి మాత్రమే సాగు చేసేవారు అయితే కూరగాయలకు ఉంటున్న గిరాకీని గమనించి గత రెండేళ్లుగా సమితిలో 100 ఎకరాల్లో రైతులు వివిధ కూరగాయలు సాగు చేయడం ప్రారంభించారు. ఇందులో లాభాలు చూస్తున్నామని రైతులు ఆనందం వ్యక్తం చేశారు. ఈ విషయంపై జిల్లా వ్యవసాయ అధికారి మనోజ్‌కుమార్‌ మాట్లాడుతూ... కూరగాయలు సాగుతో తక్కువ రోజుల్లో ఎక్కువ లాభాలు పొందుతున్నారని తెలిపారు. సాగు నీరు కూడా ఎక్కువగా అవసరం రాకపోవడం కలిసొచ్చిందని తెలిపారు.