అందరికీ విద్య ఎంతో అవసరం

రాజధానిలో ఉత్సాహంగా మారథాన్‌

పాల్గొన్న ఎంపీ అచ్యుత సామంత, బాలీవుడ్‌ నటుడు రాహుల్‌ బోస్‌,
ఓలీవుడ్‌ సినీ నటుడు సవ్యసాచి మిశ్రా, హీరోయిన్‌ అర్చిత తదితరులు

భువనేశ్వర్‌ అర్బన్‌, న్యూస్‌టుడే: అందరూ విద్యావంతులుగా మారాలని, ఈమేరకు ప్రజల్లో చైతన్యం కల్పించేందుకు కిట్‌, కిస్‌ సంస్థల ఆధ్వర్యంలో రాజధానితోపాటు దేశవిదేశాల్లో ఆదివారం మారథాన్‌ నిర్వహించారు. భువనేశ్వర్‌లో శాండీ టవర్‌ నుంచి కిట్‌ మైదానం వరకు ఈ పరుగు కొనసాగింది. కార్యక్రమంలో 30 వేల మంది విద్యార్థులతోపాటు కిట్‌ వ్యవస్థాపకుడు, ఎంపీ అచ్యుత సామంత, బాలీవుడ్‌ సినీ నటుడు రాహుల్‌ బోస్‌, ఒడియా సినీ నటుడు సవ్యసాచి మిశ్రా, హీరోయిన్‌ అర్చిత, అథ్లెట్‌ ద్యుతిచంద్‌ తదితరులు పాల్గొన్నారు. ఈ సందర్భంగా అచ్యుత సామంత మీడియాతో మాట్లాడుతూ అందరికీ విద్య అవసరం అనే అంశంపై చైతన్యం కలిగించేందుకు ఏటా ఈ పరుగులు నిర్వహిస్తున్నామన్నారు. ఈ ఏడాది భువనేశ్వర్‌తోపాటు రాష్ట్రంలోని 35 ప్రాంతాల్లో, దేశంలోని 25 ప్రాంతాల్లో ఈ కార్యక్రమాన్ని నిర్వహించినట్లు చెప్పారు. బంగ్లాదేశ్‌, నేపాల్‌, శ్రీలంక, కెమెరూన్‌, జింబాబ్వే తదితర దేశాల్లోనూ మారథాన్‌ నిర్వహించినట్లు తెలిపారు.

పరుగులో పాల్గొన్న విద్యార్థులు