జిన్నింగ్‌మిల్లులో అగ్నిప్రమాదం

పత్తి కుప్పల వద్ద కమ్ముకున్న పొగలు

గుణుపురం, నూస్‌టుడే: రాయగడ జిల్లా రామన్నగుడ సమితి ఎదుర్లవలస జిన్నింగ్‌ మిల్లు (పత్తి మిల్లు)లో సోమవారం ఉదయం తొమ్మిది గంటల ప్రాంతంలో భారీ అగ్నిప్రమాదం సంభవించింది. రూ.కోట్ల విలువైన పత్తికి నష్టం వాటిల్లిందని సమాచారం. ఉదయం మిల్లు బయట ఉంచిన సరకు నుంచి ఆకస్మాత్తుగా మంటలు చెలరేగాయి. వాటిని ఆర్పే ప్రయత్నం చేసినా.. ఫలితం లేకపోయింది. సమాచారం తెలుసుకుని సంఘటన స్థలానికి చేరుకున్న గుణుపురం, గుమడా అగ్నిమాపక సిబ్బంది నాలుగైదు గంటలు శ్రమించి మంటలు అదుపులోకి తీసుకొచ్చారు. విశ్వసనీయ సమాచారం ప్రకారం... 500 బేళ్ల పత్తి ఉంటుందని దగ్ధమైనట్లు తెలిసింది. మంటలకు కారణాలు తెలియరాలేదు.

మంటలార్పుతున్న అగ్నిమాపక సిబ్బంది