జయపురంలో కాంగ్రెస్‌ ఆందోళన

నిరసనలో పాల్గొన్న ఎమ్మెల్యే, డీసీసీ అధ్యక్షురాలు తదితర నేతలు

జయపురం, న్యూస్‌టుడే: కాంగ్రెస్‌ అగ్రనేత రాహుల్‌ గాంధీ లోక్‌సభ సభ్యత్వ రద్దును నిరసిస్తూ జయపురం ఎమ్మెల్యే తారాప్రసాద్‌ బాహినిపతి ఆధ్వర్యంలో గాంధీ చౌక్‌ వద్ద ఆదివారం ఆందోళన చేపట్టారు. ఎమ్మెల్యే, పురాధ్యక్షుడు నరేంద్ర మహంతి మాస్క్‌కి తాళం వేసుకొని వినూత్నంగా నిరసన తెలిపారు. ప్రధాని మోదీకి వ్యతిరేకంగా నినాదాలు చేశారు. భాజపా నియంతృత్వ విధానాలు ప్రజాస్వామ్యానికి ప్రమాదమని పలువురు నాయకులు విమర్శించారు. డీసీసీ ప్రెసిడెంట్‌ మీనాక్షీ బాహినిపతి పార్టీని బలోపేతం చేద్దామని పిలుపునిచ్చారు.