రేపు వడగళ్ల వర్షాలకు అవకాశం: ఐఎండీ

గురువారం వర్షాలకు అవకాశం ఉన్న జిల్లాల వివరాలు (మ్యాప్‌లో పసుపురంగులో)

గోపాల్‌పూర్‌, న్యూస్‌టుడే: పశ్చిమ రాష్ట్రంలో ఈ నెల 31న గాలివాన తీవ్రత ఉంటుందని, కొన్నిచోట్ల వడగళ్ల వర్షాలు పడతాయని గోపాల్‌పూర్‌ వాతావరణ అధ్యయన కేంద్రం (ఐఎండీ) అధికారి ఉమాశంకర్‌ దాస్‌ బుధవారం ‘న్యూస్‌టుడే’కు చెప్పారు. ఈ హెచ్చరికల నేపథ్యంలో పంటల సంరక్షణకు రైతులు ముందస్తు జాగ్రత్తలు తీసుకోవాలన్నారు. గడిచిన 24 గంటల్లో ఉత్తరకోస్తా, దక్షిణ జిల్లాల్లో అక్కడక్కడా ఒక మోస్తరు వర్షాలు కురిశాయన్నారు. గురువారం కేంఝర్‌, మయూర్‌భంజ్‌, బాలేశ్వర్‌, భద్రక్‌, జాజ్‌పూర్‌, ఢెంకనాల్‌, కేంద్రపడ, కటక్‌, జగత్సింగ్‌పూర్‌, ఖుర్దా, పూరీ, గంజాం, కొంధమాల్‌ జిల్లాల్లో కాలవైశాఖి ప్రభావంతో గాలివానకు అవకాశం ఉన్నందున ‘ఎల్లో’ హెచ్చరికలు చేసినట్లు దాస్‌ తెలిపారు.