నవజాత శిశువు మృతదేహం డ్రైయినేజీలో లభ్యం

పర్లాఖెముండి  : ఒడిశా రాష్ట్రం గజపతి జిల్లా పర్లాఖెముండి పట్టణ బజారు ముఖ్య రహదారి ఆరోగ్య వీధి వెనుక భాగంలో ఉన్న డ్రైయినేజీలో నవజాత మగ శిశువు మృతదేహం సోమవారం ఉదయం లభ్యమైంది. వివరాల్లోకి వెళితే పురపాలక కార్మికులు  డ్రైయినేజీ శుభ్రం చేస్తున్న సమయంలో ఓ సంచి లో శిశువు మృతదేహాన్ని చూసి పోలీసులకు సమాచారం అందించారు. ఘటనా స్థలానికి చేరుకున్న పోలీసులు మృతదేహాన్ని జిల్లా ప్రధాన ఆసుపత్రికి తరలించారు.ఈ ఘటనపై కేసు నమోదు చేసి దర్యాప్తు చేపట్టారు. నవజాత శిశువును ఎవరు,  ఎందుకు డ్రైయినేజీలో  వేశారనే దానిపై విచారణ జరుగుతోంది. ఆ చుట్టుపక్కల ఉన్న సీసీటీవీ ఫుటేజ్ ని పరిశీలిస్తున్నారు.