గిరిజన సంస్కృతి ప్రతిబింబించేలా వేడుకలు

ఎమ్మెల్యే కళావతితో మాట్లాడుతున్న పీవో నవ్య

సీతంపేట, న్యూస్‌టుడే: ప్రపంచ ఆదివాసీ దినోత్సవం సందర్భంగా సీతంపేటలో మంగళవారం జిల్లాస్థాయి కార్యక్రమం నిర్వహించనున్నట్లు ఎమ్మెల్యే వి.కళావతి, ఐటీడీఏ పీవో బి.నవ్య తెలిపారు. ఏర్పాట్లపై ఐటీడీఏ కార్యాలయంలో సోమవారం అధికారులతో చర్చించారు. వారు మాట్లాడుతూ.. గిరిజన సంస్కృతి, సంప్రదాయాలు ప్రతిబింబించేలా వేడుకలు జరపనున్నట్లు తెలిపారు. వీటిని విజయవంతం చేసేందుకు అన్ని శాఖల అధికారులు కృషి చేయాలన్నారు. సమావేశంలో ఈఈ జి.మురళి, ఎంపీపీ బి.ఆదినారాయణ, ఏఎంసీ అధ్యక్షుడు మోహనరావు తదితరులు పాల్గొన్నారు.