ఎన్టీఆర్‌ పేరునే కొనసాగించాలి: తెదేపా

రిలే నిరాహార దీక్షలో మాట్లాడుతున్న సంధ్యారాణి

మెంటాడ, న్యూస్‌టుడే: ఆరోగ్య విశ్వవిద్యాలయానికి ఎన్టీఆర్‌ పేరునే కొనసాగించాలని తెదేపా పొలిట్‌ బ్యూరో సభ్యురాలు గుమ్మిడి సంధ్యారాణి డిమాండు చేశారు. పార్టీ మెంటాడ మండలాధ్యక్షుడు చలుమూరి వెంకటరావు ఆధ్వర్యంలో మంగళవారం మెంటాడ మండల కేంద్రంలో నిర్వహించిన రిలే నిరాహార దీక్షలో ఆమె పాల్గొని, మాట్లాడారు. తెలుగు జాతికి ఖ్యాతి తెచ్చిన మహనీయుడి పేరు తొలగింపు అన్యాయమన్నారు. వెంటనే దీనిపై పునరాలోచన చేయాలని కోరారు. నాయకులు గెద్ద అన్నవరం, గొర్లె ముసలినాయుడు, రెడ్డి ఎర్రినాయుడు తదితరులు పాల్గొన్నారు.