పౌరుల హక్కులకు వైకాపా తూట్లు

అంబేడ్కర్‌ విగ్రహం వద్ద నివాళి అర్పిస్తున్న సంధ్యారాణి, భంజ్‌దేవ్‌, నాయకులు

సాలూరు, న్యూస్‌టుడే: రాజ్యాంగంలో పౌరులకు కల్పించిన హక్కులకు వైకాపా ప్రభుత్వం తూట్లు పొడుస్తోందని, దాని నుంచి ప్రజలను, రాజ్యాంగాన్ని రక్షించాలని అంబేడ్కర్‌ విగ్రహానికి తెదేపా నాయకులు వినతిపత్రం అందజేశారు. పార్టీ పొలిట్‌ బ్యూరో సభ్యురాలు సంధ్యారాణి, రాష్ట్ర ఉపాధ్యక్షుడు ఆర్పీ భంజ్‌దేవ్‌ ఆధ్వర్యంలో నాయకులు సాలూరు పట్టణంలోని పెదహరిజనపేటలో అంబేడ్కర్‌ విగ్రహం వద్ద నివాళి అర్పించారు. రాష్ట్రంలో రాజారెడ్డి రాజ్యాంగం నడుస్తోందని ఆరోపించారు. కార్యక్రమంలో పట్టణ, మండల అధ్యక్షులు నిమ్మాది చిట్టి, గుళ్ల వేణు, నాయకులు పి.ప్రసాద్‌బాబు, పరమేశు, రమణ, పద్మావతి తదితరులు పాల్గొన్నారు.