అర్జీదారులతో మర్యాదపూర్వకంగా మెలగాలి

సమావేశంలో సూచనలిస్తున్నడ్వామా పీడీ రామచంద్రరావు, ఏపీడీ చంద్రమ్మ, చిట్టిబాబు

పార్వతీపురం, న్యూస్‌టుడే: సచివాలయాల్లో మెరుగైన సేవలు అందితే జిల్లా ప్రగతి పథంలో నడుస్తుందని డ్వామా పీడీ కె.రామచంద్రరావు అన్నారు. శనివారం గిరిమిత్ర సమావేశ మందిరంలో సచివాలయ ఉద్యోగులకు ఒక్కరోజు శిక్షణ కార్యక్రమాన్ని జిల్లా సమన్వయకర్త వి.చిట్టిబాబు ఆధ్వర్యంలో నిర్వహించారు. సచివాలయాల్లో స్పందన కార్యక్రమం నిర్వహించి సమస్యలను పరిష్కరించాలని పీడీ సూచించారు. అర్జీలు ఇచ్చే వారితో మర్యాదపూర్వకంగా మాట్లాడి, సమస్యలను తెలుసుకోవాలని సూచించారు. సమావేశంలో ఏపీడీ చంద్రమ్మ, డీఎల్‌డీవో గోపాలకృష్ణ, రాజేశ్‌, ప్రహ్లాద్‌, శ్రీనివాసరావు పాల్గొన్నారు.