శరణు..శరణు...పోలమాంబ

భక్తజనంతో పోటెత్తిన శంబర

ప్రత్యేక అలంకరణలో చదురుగుడిలో అమ్మవారు

మక్కువ, న్యూస్‌టుడే: అదే జనం.. అదే భక్తి పరవశం.. తొలి జాతరను మరిపించేలా జనాలతో శంబర పోటెత్తింది. ఉత్తరాంధ్రుల ఇలవేల్పు శంబర పోలమాంబ మారుజాతర దర్శనానికి భక్తులు తరలివచ్చారు. మంగళవారం ఉదయం నుంచి వనంగుడి, చదురుగుడి ఆలయంలో అమ్మవారిని దర్శించుకుని మొక్కులు చెల్లించుకున్నారు. వనంగుడి వేపచెట్టుకు, నడిమివీధిలోని సిరిమానుకు భక్తులు ప్రత్యేక పూజలు నిర్వహించారు. ఉదయం 11 గంటలకే వనంగుడి, చదురుగుడి ఆలయాల వద్ద క్యూలైన్లు నిండిపోయాయి. డీఎస్పీ సుభాష్‌ ఆధ్వర్యంలో సుమారు 150మందితో పోలీసు బందోబస్తు నిర్వహించారు. ఎంపీడీవో దేవ్‌కుమార్‌ ఆధ్వర్యంలో పారిశుద్ధ్య కార్మికులు, ఈవో రాధాకృష్ణ ఆధ్వర్యంలో దేవదాయశాఖ సిబ్బంది సేవలు అందించారు.

భక్తులతో రద్దీగా నడిమివీధి