గిరిజన సమస్యలపై పోరాటం తప్పదు

మాట్లాడుతున్న సంధ్యారాణి

సాలూరు, న్యూస్‌టుడే: గిరిజనుల తరఫున పోరాడేందుకు తెదేపా ఎప్పుడూ ముందుంటుందని తెదేపా పొలిట్‌ బ్యూరో సభ్యురాలు గుమ్మిడి సంధ్యారాణి అన్నారు. గిరిశిఖర గ్రామాలు, కొదమ పంచాయతీ నుంచి పలువురు మంగళవారం ఆమెను కలిసి సమస్యల గోడు వినిపించారు. రోడ్లు వేయాలని కోరినా ప్రభుత్వం పట్టించుకోలేదని, ఇంటింటికీ చందాలు వేసుకున్నట్లు తెలిపారు. ఇలా రూ.14 లక్షల వరకు ఖర్చయిందని, ఇవి చెల్లించి పనులు పూర్తిచేస్తామని అధికారులు తమకు చెప్పి మోసం చేశారన్నారు. ప్రస్తుతం ఫీడర్‌ అంబులెన్సులు కూడా రాలేని పరిస్థితి ఉందన్నారు. వారికి సంధ్యారాణి భరోసా ఇచ్చారు. నాయకులు పరమేశు, శ్రీను, లక్ష్మణ తదితరులు పాల్గొన్నారు.