త్వరలో పైడితల్లి ఆలయ అభివృద్ధి

దుకాణదారుకు చెక్కు అందజేస్తున్న ఉప సభాపతి కోలగట్ల

కంటోన్మెంట్‌, న్యూస్‌టుడే: వీలైనంత త్వరగా పైడితల్లి ఆలయ అభివృద్ధి పనులు ప్రారంభిస్తామని ఉప సభాపతి కోలగట్ల వీరభద్రస్వామి పేర్కొన్నారు. శనివారం ఆలయ ప్రాంగణంలో ఏర్పాటు చేసిన విలేకరుల సమావేశంలో ఆయన మాట్లాడుతూ మార్చిలో గుడి పక్కనున్న దుకాణాలు తరలించి ఆ ప్రాంతాన్ని అధికారులకు అప్పగించాలని యజమానులకు సూచించారు. అనంతరం ఆలయ విస్తరణ, భక్తులకు కల్పించాల్సిన మౌలిక సదుపాయాలపై చర్చించారు. స్టూడెంట్స్‌ ఎంపోరియం దుకాణ యజమాని రవ్వా వెంకటేశ్వరరావుకు రూ.11 లక్షలు, ఆయర్వేద దుకాణం యజమాని కృష్ణప్రియకు రూ.4.35 లక్షల చెక్కును అందజేశారు. దేవస్థానం ఏసీ కిశోర్‌కుమార్‌, పూజారి బంటుపల్లి వెంకటరావు, పాలక మండలి సభ్యులు పాల్గొన్నారు.