సచివాలయం, రైతు భరోసా కేంద్రం ప్రారంభం

బలిజిపేట: మండలంలోని అరసాడ గ్రామంలో ప్రభుత్వ నిధులు రూ. 21.8 లక్షలతో నిర్మించిన రైతు భరోసా కేంద్రం, రూ. 40 లక్షలతో నిర్మించిన గ్రామ సచివాలయ భవనాలను ఎమ్మెల్యే ఎ. జోగారావు ఆదివారం ప్రారంభించారు. ప్రజలకు అందుబాటులో సేవలందించేందుకు వీటిని ప్రభుత్వం ప్రవేశపెట్టిందన్నారు. అనంతరం గడపగడపకు మన ప్రభుత్వం కార్యక్రమంలో పాల్గొన్నారు. ప్రభుత్వం అమలు చేస్తున్న పథకాల కరపత్రాలను పంపిణీ చేశారు. మరోసారి ఎమ్మెల్యేగా గెలిపించాలని కోరారు. కార్యక్రమంలో ఎంపీపీ నాగమణి, జడ్పీటీసీ సభ్యుడు రవికుమార్‌, పార్టీ అధ్యక్షుడు కృష్ణ, మండల ఉపాధ్యక్షుడు సాయిరాం, గ్రామ వైకాపా నాయకులు పాల్గొన్నారు.