రీ సర్వేలో ఇంజినీరింగ్‌ అసిస్టెంట్లు భాగమవ్వాలి

చిన్నదిమిలిలో రీసర్వేపై ఆరా తీస్తున్న సబ్‌ కలెక్టర్‌ నూరుల్‌ కమర్‌

భామిని, న్యూస్‌టుడే: గ్రామాల్లో జరుగుతున్న రీసర్వేలో సచివాలయాల ఇంజినీరింగ్‌ అసిస్టెంట్లు భాగస్వాములై, ప్రక్రియను వేగవంతం చేయాలని సబ్‌ కలెక్టర్‌ నూరుల్‌ కమర్‌ సూచించారు. గురువారం చిన్నదిమిలి, పెద్దదిమిలి, నులకజోడు గ్రామ సచివాలయాలను సందర్శించి, రికార్డులను పరిశీలించారు. అనంతరం ఆయా ప్రాంతాల్లో జరుగుతున్న భూసర్వేను తనిఖీ చేశారు. భూ సమస్యలపై ఫిర్యాదులొస్తే క్షేత్రస్థాయిలో పరిశీలించి, చర్యలు తీసుకోవాలన్నారు. తహసీల్దార్‌ నీలాపు అప్పారావు, ఎంపీడీవో జి.కృష్ణారావు, సర్వేయర్‌ రామ్‌మోహన్‌ తదితరులున్నారు.